‮(٠٠٨ ‬جنيه )الحد الأدني للأجر الشهري والأقصي ‮(٨٢ ‬ألفا)

5/28/2011 02:15:00 ص
انتهت وزارة المالية من تحديد‮ ‬الحد الادني للاجور ب ‮(٠٠٨ ‬جنيه )شهريا والاقصي (‮٨٢ ‬ألفا و‮٠٠٨ ‬جنيه‮). ‬يسري الحد الادني علي موظفي الحكومة والقطاع العام والجهاز الاداري والقطاع الخاص،‮ ‬ولا يسري الحد الاقصي علي القطاع الخاص‮. ‬



 د‮. ‬سمير رضوان 


يعقد د‮. ‬عصام شرف رئيس الوزراء اجتماعا خلال أيام مع د‮. ‬سمير رضوان وزير المالية وعدد من الوزراء للاتفاق بشكل نهائي علي القرارات الجديدة وعرضها علي المشير حسين طنطاوي رئيس المجلس الأعلي للقوات المسلحة قبل اعلان تلك القرارات التي تشمل برنامجا‮ ‬ماليا لاصلاح هيكل الاجور ينفذ خلال ‮٥ ‬سنوات‮. ‬ومن المقرر ان تتم تسوية أجور الموظفين أصحاب الدرجات العليا في الحكومة من الذين لا يستفيدون من قرار الحد الادني للاجور وبالتالي زيادة أجورهم بنسب متفاوتة كل حسب درجته‮. ‬وصرح مصدر مسئول بان تحديد الحد الاقصي تم علي أساس ربطه بالحد الادني مضروبا في ‮٦٣ ‬سنة هي عمر الموظف من سنة تعيينه حتي المعاش‮. ‬وسيتم تطبيق نظام جديد للعلاوات حيث تجمع ما يحصل عليه الموظف من علاوات وحوافز وبدلات في أجر أساسي واجر مكمل وهو ما يكفل زيادة الدخول‮. ‬كما سيتم منح علاوة خاصة سنويا ترتبط بمعدلات التضخم

شارك الموضوع

مواضيع ذات صلة

التعليقات
36 التعليقات

36 commentaires

بـ commentaires
غير معرف
28 مايو 2011 4:44 ص حذف

ابه الكلام الفارغ ده؟؟؟؟ ازاي تضربه في 36 ؟
هوه حد بياخد علاوة 100% ؟
يكفي جدا حد اقصى 20 الف يا دكتور و اقل كمان يكفي احنا بلد فقير
اعيدوا النظر في سلم الاجور و ارفعوا الحد الادنى الى 1200 جنيه
خلوا الناس تعيش و تحس ببعضيها

رد
avatar
غير معرف
28 مايو 2011 7:04 ص حذف

طب واللي مش لاقي شغل يعمل ايه ؟ يبات في التحرير ظ دول كتير قوي ولازم تشوفولهم حل بلاش تجاهل زي زمان

رد
avatar
غير معرف
28 مايو 2011 8:21 ص حذف

طيب واللى على المعاش يعمل ايه ؟لأن الاسعار هاترتفع بالتأكيد بعد رفع الحد الأدنى للأجور.
ياسيادة الدكتور الوزير مطلوب نظرة عطف للناس اللى قضت عمرها فى خدمة البلد والرحمة مطلوبة والواحد رجل بره ورجل جوه .
المعاشات المعاشات المعاشات

رد
avatar
غير معرف
28 مايو 2011 9:07 ص حذف

السلام عليكم
ممكن حد يعرفنى ايه معنى هيكل الاجور ده اللى منشور على كل مواقع الانترنت وانا جبت ليكم بعض من اللائحه دى اللى اتكلموا عليها على الانترنت1-‏ يتم تحديد إيراد الجهة الإدارية وتحديد مقدار مبلغ النسبة المحددة . ‏

‏2-‏ يتم تحديد عدد النقاط في هذه الجهة الإدارية . طبقا لمقدار المرتب الذي يتقاضاه ‏الموظف أو العامل . فالموظف الذي يحصل علي مرتب بمبلغ 2000 ج ( ألفان ‏جنيها ) يكون له 20 نقطة ( عشرون نقطة ) والعامل الذي يحصل علي مرتب ‏بمبلغ 1000 ج ( ألف جنيه ) يكون له عدد 10 نقاط ( عشر نقاط ) ... وهكذا . ‏ويتم تجميع نقاط جميع العاملين بالجهة الإدارية.‏

‏3-‏ يتم تحديد نصيب كل نقطة ، وتحديد مكافأة الموظف أو العامل كما يلي :‏

نصيب النقطة = مبلغ النسبة ÷ عدد نقاط الجهة الإدارية

مبلغ المكافأة للموظف = نصيب النقطة × عدد النقاط الخاصة بالموظف .‏



د) بالنسبة الموظفين والعاملين الحاليين : يتم حساب مدة الخدمة لكل موظف أو ‏عامل ، ويتم قسمتها علي خمسة ، وتحديد عدد المراحل التي مر بها ، ويتم إضافة ‏مقدار الزيادة الخاصة بالفئة الخاصة به ، بمقدار عدد المراحل التي قضاها في ‏الوظيفة . ‏

مثال : موظف حاصل علي مؤهل عالي وله مدة خدمة قدرها 14 سنة . في هذه ‏الحالة نجد أن هذا الموظف قد مر بمرحلتين كاملتين مدة كل مرحلة خمس سنوات ، ‏وأن بداية مرتب الفئة الخاصة به هو 1500ج ، ومقدار الزيادة المرحلية هي 500ج. ‏لذلك يجب إضافة مبلغ الزيادة لمرحلتين وقدرة 1000ج إلي بداية مرتب الفئة ‏الخاصة به . وبذلك يحصل هذا الموظف علي مرتب قدرة 2500 ج ‏شهريا(1500ج+1000ج) ، وبعد سنة يتم إضافة الزيادة الخاصة بالمرحلة الثالثة .‏

رد
avatar
غير معرف
28 مايو 2011 10:16 ص حذف

إل صاحب التعليق السابق .. جهد مشكور .. ممكن تقولنا جبت المعلومات دي منين واسم الموقع .. علشان مثلا أنا عايزه أعرف بالنسبة لواحد مؤهل عالي وبيشتغل بقاله 10 سنين واجمالي مرتبه 1500 جم . ده هيزيد اد ايه وامتى ؟وتقبل تحياتي

رد
avatar
غير معرف
28 مايو 2011 11:32 ص حذف

انا اسف للتاخير فى الرد بالنسبه لواحد مؤهل عالي وبيشتغل بقاله 10 سنين واجمالي مرتبه 1500 جم ده راح يكون إجمالى المبلغ حسب اللائحه الجديده 2500 جنيه عباره عن 1500 اساسى للمؤهل العالى + 1000 للعشره سنين الخبره بواقع 500 جنيه لكل 5 سنوات حضرتك عرفتى ولا اوضح اكتر ؟

رد
avatar
غير معرف
28 مايو 2011 12:02 م حذف

يعني ايه الادني 800 والاقصى 28000 يعني لوقسمناهم على بعض هيكون 65 ضعف مش كتير الفرق كده ..

رد
avatar
خالد على
28 مايو 2011 1:19 م حذف

والله العظيم حرااااام الفارق كبير اوى طب نحسبها مع بعض الاول الحد الاقصى كان كام عشان دلوقتى يبقى 28000 هنلاقى الفارق كبير جدا يعنى نقدر نرفع الصغير برحتنا اوى عشان نعيش حياة كريمة الحد الادنى مش اقل من 3000 جنية وياريت نقدر نعيش بعد الغلاء اللى بيطلع وما ينزلش تانى لابد من سيطرة على الغلاء

رد
avatar
غير معرف
28 مايو 2011 2:38 م حذف

يعنى ايه الحد الاقصى 28 الف يعنى مثلا انا بدات ب 1000 جنية كل سنة حيضيفولى 1000 علشان لما اكمل 36 سنة اصبح معايا المبلغ 28000 هو ايه الهبل دا الحد الاقصى كبير جدا ودا لمصلحة فئة معينة

رد
avatar
غير معرف
28 مايو 2011 4:50 م حذف

كمواطن مصرى ومن البسطاء فى جمهورية مصر العربية ارى ان الحد الادنى للأجور 800 جنيه هى مهزلة واستهانة بكرامة الشعب المصرى واستخفافا بعقول الشعب المصرى للأسباب الاتية . اولا : فى معظم محافظات جمهورية مصر العربية يتراوح ايجار الشقق السكنية من 400 جنيه الى 1000 جنيه بالأحياء الشعبية ولذلك فاذا دفع المواطن 400 جنيه ايجار شقة سكنية فقد بقى له من راتبه 400 جنيه اخرى فاستحلفكم بالله هل هذا الميلغ وهو 400 جنيه يكفى لسد متطلبات الاسرة من مأكل ومشرب وملبس وفاتورة كهرباء وفاتورة تليفون وبوتاجاز ومصاريف اطفال ومصاريف علاج وخلافه من المصاريف النسرية الاخرى . ثانيا : كيف يكون الحد الادنى للأجور 800 جنيه والأقصى 28000 فان هذا لا يحقق العدالة الاجتماعية وهذا هو الظلم بعينه اذن فمسلسل الظلم مازال مستمرا فى جمهورية مصر العربية . ثالثا : كيف يكون الحد الأدنى للأجور 800 جنيه ولدينا غلاء فاحش ومستمر فى كل اسعار السلع الغذائية . رابعا : هناك مليارات وتريليونات نهبت من اموال الشعب المصرى بواسطة اللصوص الظرفاء من الوزراء ورجال الاعمال وفى الوقت نفسه يتم وضع حد ادنى ضئيل بهذه الصورة فهل المقصود من ذلك تجويع الشعب واتباع سياسة حسنى مبارك فى تجويع الشعب ام حرصا على اقتصاد مصر وميزانية الدولة فاذا كان حرصا على ميزانية الدولة فعلى الحكومة ان تسعى جاهدة لاسترداد المليارات والتريليونات التى هربت خارج البلاد وداخل البلاد ومحاكمة كل اللصوص الذين نهبوا ثروات مصر واموال مصر

رد
avatar
غير معرف
28 مايو 2011 5:23 م حذف

معنى كده ان النسبة 1 : 36 بينما النسبة العالمية 1 : 14 واعلى النسب 1 : 17 .. والمفروض الحد الأدنى 1200 والأقصى 20400 .. هم مصرين يجوعوا الناس ويعملوا حيتان ليه ؟؟؟!!!! هو الواحد ح يصرف اكثر من 20 ألف جنيه فى الشهرفى أيه ؟! انتوا بتساعدوا وتشجعوا الناس على الفساد ليه ؟! حتى اللى مش ح يفسد ح يروح يجوز على مراته وينكد عليها وعلى ولادها !

رد
avatar
غير معرف
28 مايو 2011 5:26 م حذف

طيب انا موظف بقالى 13سنه وحاصل على مؤهل عالى وبقبض 800 جنيه كله كله لانى مدرس باخد كادر لكن الاساسى بتاعى 300 جنيه ممكن اعرف من الاخ اللى بيحسبها مرتبى يبقى كام وله جزيل الشكر

رد
avatar
غير معرف
28 مايو 2011 5:31 م حذف

شكرا للرد على استفساري بخصوص اللي مرتبه 1500 جزاك الله خير ... ولكن هل الكلام ده أكيد ؟؟؟؟ ياريت ..وياترى هيبقى من امتى ؟؟؟

رد
avatar
غير معرف
28 مايو 2011 5:36 م حذف

واضح ياجماعة ان اصحاب المعاشات ليس لهم ذكر فى الموضوع ارجوكم تذكرونا ، نحن أباؤكم واجدادكم ، عانينا كثيرا فى زمن النظام البائد، وكانت المرتبات ملاليم ولكن عملنا بإخلاص لكى نوفر اللقمة الحلال لكم ايها الأبناء والأحفاد ،اشتغلنا اكثر من عمل فى اليوم لمدة لا تقل عن 16 ساعة يوميا ،انهكننا الأمراض من سكر وضغط وفشل كلوى ومنا من اصيب بالسرطان وعندما يرتفع الحد الأدنى للأجور سوف ترتفع الأسعار فماذا نفعل ارجوكم دافعوا عن المعاشات وساندوا مطلبنا فى زيادة المعاشات بارك الله فيكم .

رد
avatar
غير معرف
28 مايو 2011 5:42 م حذف

بالنسبه للاخ اللي بيشتغل بقاله 13 سنه .. حضرتك زي مافهمت من التوضيح اللي فات هيكون مرتبك 1500 جم على أساس إنك مؤهل علي + 500 عن كل 5 سنين شغل يعني 1000 جم عن ال 13 سنه يبقى المجموع 2500 جم ... أتمنى انه يكون كده فعلا

رد
avatar
غير معرف
28 مايو 2011 5:47 م حذف

والله إن اتقي كل مصري الله في عمله لبارك له في راتبه مهما كان هذا الراتب .في مستشفي كفر الدوار العام الجديد معظم العاملين بيزوغواقبل ميعاد انصرافهم وممكن ألا يذهبوا لعملهم ويقوم زملاؤهم بالتوقيع لهم ؛وذلك لعدم وجودرقيب عليهم وتعالوا شوفوا بنفسكم والله علي ما أقول شهيد.

رد
avatar
غير معرف
28 مايو 2011 6:23 م حذف

بمناسبة الزياده والاسعار وكده .. حد اخد باله من الزياده الواضحة في فاتورة الغاز وفاتورة الكهرباء ... هو نفس الاسلوب القديم برضه .... يدي باليمين وياخد بالشمال ولا إيه؟؟

رد
avatar
غير معرف
28 مايو 2011 6:40 م حذف

طيب انا موظف في بنك بقالى 8 سنين وحاصل على مؤهل عالى وبقبض3000جنيه كله كله لكن الاساسى بتاعى 280 جنيه ممكن اعرف من الاخ اللى بيحسبها مرتبى يبقى كام وله جزيل الشكر وياريت تعرفنا وظيفة حضرتك وإزاي عرفت النظام الجديد ده في حساب المرتبات..

رد
avatar
غير معرف
28 مايو 2011 7:30 م حذف

لابد من ان يكون الحد الادنى للأجور 1200 وليس 800 وبلاش استخفاف بعقول البشر وروحوا اتفالحوا فى اللى سرقوا البلد ونهبوها مش تعملوا علينا شطار يا حكومة مبارك

رد
avatar
غير معرف
28 مايو 2011 7:36 م حذف

من قبل الثورة والشعب بيطالب بان يكون الحد الادنى 1200 جنيه جايين دلوقتى تعملوا الحد الادنى 800 يبقى كدة الموظف هيرتشى تانى وهيسرق تانى لان 800 جنيه لا تسمن ولا تغنى من جوع لان كيلوا اللحمة ب 60 جنيه والبطيخة بعشرين جنيه وكيلو الجبنة بخمسة وعشرين جنيه واقل قميص بثمانون جنيها ومش عايزين استهبال واستعباط تانى ولا حسنى مبارك رجع الحكم تانى والشعب مش عارف

رد
avatar
غير معرف
28 مايو 2011 8:18 م حذف

ال 800 ال هههههههههههههه نفس اسلوب حسنى مبارك خلاص بقى يبقى حسنى يرجع تانى وخلاص طالما ان نفس السياسة ونفس الظلم

رد
avatar
غير معرف
28 مايو 2011 8:27 م حذف

ياسلام قبل الثورة كان المطلب الأساسى 1200 جنيه والناس كانت مش راضية و بعد الثورة والخراب اللى حصل أصبح الحد الادنى 800 جنيه ياسلام أيه الفشخ ده ...أنا قلت زمان وبكررر ياخوفى الشعب الغلبان ده اللى ركب موجة البرادعى وتامر وشادى وساسى ياخوفى يصحوا من النوم يلاقوا نفسهم لابسين أكبر خازوق فى حياتهم ودمتم بخير والبالخازوق الأمريكى

رد
avatar
محمد حسين عسكر
28 مايو 2011 8:43 م حذف

سلام الله عليكم ورحمة وبركاتة :
انا مدرس بقالى 13 عام واتمنى ارتفاع الحد الادنى ولكن يجب على الحكومة دراسة ذلك جيدا وعلينا ان نفهم جيداالظروف الاقتصادية التى تمر بها ام الدنيا مصر

رد
avatar
غير معرف
28 مايو 2011 9:50 م حذف

مش هنقبل حد ادنى اقل من 1200 جنيه وروحوا هاتوا الفلوس من الحرامية اللى فى سجن طرة ومن الحرامى الكبير اللى بيتفسح فى شرم الشيخ مش توفروا على حساب الشعب الغلبان وسايبين فلوس الشعب اللى نهبتها الحرامية ولا الحكومة المصرية مش هتتغير ومش هتبطل الظلم اللى فيها وكفاية بقى 30 سنة من ظلم رئيس الجمهورية والوزراء الحرامية ولا لسة فيه تانى واحنا مش عارفين

رد
avatar
غير معرف
28 مايو 2011 10:44 م حذف

منك لله يا حسنى تركت لنا ظلمة وحرامية ما زلنا بنعانى منهم

رد
avatar
سيد عسكر
29 مايو 2011 12:22 ص حذف

بالنسبه لحساب الاجور على الاساسى بدون مستقطع والاخ اللى حسب الاجور لم يستخرج قيمه المستقطعات والتأمنات والمعاشات وقيمه المربوط للدرجات ثابته ام متغيره ياريت الافاده والرد ولك جزيل الشكر ..

رد
avatar
غير معرف
29 مايو 2011 1:10 ص حذف

والله باين على سمير رضوان هيبقا اوسخ من بطرس غالى الحرامى

رد
avatar
غير معرف
29 مايو 2011 9:05 ص حذف

ياريت تفكر فى التاس اللى حاصلة على مؤهلات ولاتعمل ولاتجد فرص عمل يا سيادة وزير المالية بدل ماتزود الذى يعمل وتارك الاخرين حرام لاعمل ولازواج دول اموات وهم احياء

رد
avatar
غير معرف
29 مايو 2011 9:30 ص حذف

انا حاصل على مؤهل عالى ودبلوم تربوى مش لاقى شغل ياريت يا وزير المالية تجد لى فرصة عمل بدل ما تزود الى بيشتغل وتاركنا بلا عمل

رد
avatar
غير معرف
29 مايو 2011 9:34 ص حذف

يارب يحمى مصر ويظهر الحق انا باتمنى ان بابا مبارك يكون برئ

رد
avatar
غير معرف
29 مايو 2011 8:06 م حذف

بابا مبارك ؟؟؟؟؟؟؟؟؟؟ هههههههههههه هو انت تبقى أخو الحراميه الصغننين علاء وجيمى اللى بيقول جيمي يغني ف السجن ويقول
.
.

.
...احلف بسماها وبترابها...ما حد حبسني الا شبابها
.
.
.
ثم رد حسحس وقال
.
.
.
.
.
. في كل شارع في بلادي الشعب بيشتم فيا و في ولادي ربنا يسهل ونشوفك يتيم بعد اعدام بــــــــــــــابـــــــــــاك مبارك

رد
avatar
غير معرف
30 مايو 2011 2:40 م حذف

انا موظف فى الاوقاف مرتبى كله بالحوافز و البدلات 340جنيه ازاى يتم حساب الحد الادنى بالنسبه للعمال

رد
avatar
ابوبكر
31 مايو 2011 12:50 ص حذف

انا مشكلتي عويصة جدا والشاطر اللي يحلها مرتبي 493 جنيها تاريخ تعييني 1989 بدبلوم فني وصلت للدرجة الثانية ثم سويت حالتي بمؤهل عالي 2010 لاثبح على الدرجة الثالثة باقدمية 2005 الشاطر اللي يقول هتعامل ازاي

رد
avatar
غير معرف
3 يونيو 2011 4:28 م حذف

من الواضح ان المواطن المصري مكتوب عليه يعيش جعان ويموت جعان والله حرام اللي بيحصل ده طيب ممكن واحد يقولي مين يستلم راتب 28000 جنيه وبيشتغل ايه طيب واللي هياخد 800 جنيه ممكن حد يقولي هيعمل بيهم ايه في ظل الغلاء الفاحش اللي بيتحكم فيه برضه قله من رجال الأعمال المحترميييييييييييييين وممكن حد يقولي فين وزارة التموين زمان كان في حاجه اسمها التسعيرة الجبرية ياتري راح فين قانون التسعيرة الجبرية المطلوب الان السيطرة علي الاسعار بشكل كبير ولنا رب كريم

رد
avatar
زينب بدر
5 يونيو 2011 6:17 م حذف

انا موظفة بمديرية الشئون الصحية بالاسكندرية مؤهل متوسط درجة تانية 35 سنة خدمة مرتبى الصافى 525 جنيه يا ترى بعد الظلم طول العمر ده كله فى 35 سنة خدمة مرتبى حيبقى كام يا سيادة الوزير ؟؟؟!!

رد
avatar

( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ ) ‏صدق الله العظيم الإبتساماتإخفاء